CDO-Banner

Bag-ong 3-classroom Camansi ES itunol ni Mayor Moreno

User Rating: 0 / 5

Star inactiveStar inactiveStar inactiveStar inactiveStar inactive

By Abigail Malalis / photo by Jomar Figuracion

KOMPORTABLE ug hamugaway na ang pagtuon sa mga kabataan sa Camansi Elementary School sa Barangay FS Catanico ning syudad human matibawas na ang bag-ong 3-classroom building nga gipatukod sa administrasyon ni Mayor Oscar Moreno.

Ang maong classrooms tubag sa nasinating kalisod sa pagtuon sa mga estudyante nga nag-antus sa guba ug hagip-ot nga kondisyon sa ilang tunghaan sulod sa dugay nga panahon.

Ang 3-classroom building maghatag og dakong kausaban sa kinabuhi dili lamang sa mga kabataan nga sakop sa tribong Higaonon, apan lakip na sa tibuok komunidad nga sa taas na nga katuigan nahikawan sa serbisyo sa gobyerno.

Dako usab og tabang alang sa maong katukoran ang Department of Environment and Natural Resources (DENR) sa ilang pagtugot sa usa ka ektaryang luna sa ‘forest protected area’ nga matukoran sa maong tunghaan.

Una nang gibutyag ni Mr. Vaicar Mayake, ang school head sa maong tunghaan nga kinahanglan pang magbaklay ang mga kabataan og halos 20 ka kilometro matag adlaw aron lamang makaabot sa sentrong bahin sa FS Catanico o dili ba kaha sa Sitio Malasag sa Brgy Gusa diin adunay tunghaan.

Gani man, base sa ilang datos, hangtud lamang Grade 3 ang halos maabot sa mga bata tungod sa kalayo sa mga tunghaan.

Tungod niini, gisugdan sa Department of Education ang pagmugna og mga ayom-ayom nga tunghaan mismo sa Sitio Camansi halos duha ka tuig na ang milabay aron paghatag og kasayon ug pag-aghat sa mga kabataan sa padayong pagtungha. camansi_6.jpgcamansi.jpgcamansi_3.jpgcamansi_4.jpg

Mga trisikads gidid-an na nga mamasada sa urban brgys

User Rating: 0 / 5

Star inactiveStar inactiveStar inactiveStar inactiveStar inactive

Text and photo by Annabelle Ricalde

HUGOT na nga ipatuman sa syudad pinaagi sa Roads and Traffic Administration (RTA) ug Composite Team ang pagdakop sa mga trisikad nga mamasada sa mga urban barangays ilabina sa 1-40 barangays.

Gani, gisugdan na pagsita ug pagpahibalo sa Composite Team pinaagi ni Antonio Resma Jr uban sa mga personahi sa RTA ang mga trisikad drivers nga namasada diha sa Barangay 35 bag-ohay lamang diin gipasidan-an sila nga dakpon ug kuhaon ang trisikad sa higayon nga ipatuman na ang City Ordinance10551-2007.

Si Resma mipasabot nga ang pagpatuman sa maong ordinansa alayon usab sa bag-ong Department of Interior and Local Government (DILG) Memorandum Circular No. 2020-036 nga nagdili sa mga tricycles, pedicabs, apil mga motorela ug slow moving vehicles nga mamasada ug moagi sa mga national highway.

Isyuhan og show-cause order sa DILG ang mga LGUs nga dili mosunod sa maong kamandoan ug kung mapakyas sa paghatag og lig-on nga tubag pasakahan og kasong administratibo ang mga city, municipal mayors, governors ug punong barangays.

Nunot niini, magpahigayon og information drive ang Composite Team sa dili pa ipatuman ang pagpangdakop sa mga trisikad drivers ug pag-impound sa mga trisikad.

Hinuon, adunay mga programa ang syudad nga mao ang skills training alang sa alternatibo nga panginabuhian sa mga trisikad drivers.trisikad.jpgtrisikad_1.jpg

Moreno gipasalamatan sa mga stallholders sa Cogon Mkt human nadawat ang lease contract

User Rating: 0 / 5

Star inactiveStar inactiveStar inactiveStar inactiveStar inactive

By Annabelle Ricalde / photo by Reynan Baylin

“For the first time in history, maggunitan na gyud namo ang contract”.

Kini ang pamahayag ni Engr Franklin Dagcuta, presidenti sa Cogon United Market Vendors Association (CUMVA) human gipirmahan ni Mayor Oscar Moreno ang Lease Contract pagpamatuod nga sila ang tinuod ug aktuwal nga okupante sa stall nga kasamtangang gi-okupahan.

Nunot niini, dako ang iyang pasalamat kang Mayor Oscar Moreno kay dako kini og tabang ug walay si bisan kinsa nga makapahawa kanila kay aduna naman silay seguridad.

Matud ni Dagcuta taas ang ilang agtang nga maglakaw ug makapanghinambog kay ‘genuine’ gayud nga kontrata ang ilang nahuptan nga wala nila naggunitan sulod sa dugay nga panahon.

Lakip sa gipasalamatan ni Engr. Dagcuta ang mayoriya sa konseho ning syudad pinangulohan ni Vice Mayor Raineir Joaquin Uy, ilabina si City Councilor Ian Mark Nacaya, Chairman sa Committee on Economic Enterprise ug Overseer sa City Economic Enterprise Department (CEED) nga mao usab ang amahan sa lease contract ordinance sa syudad.

Mapasalamaton usab si Mayor Moreno kang Kagawad Nacaya kinsa naningkamot aron mapatuman ang mga kabag-ohan sa Cogon Market ug maatiman ang mga panginahanglanon sa mga stallholders.

Matud niya nga ang kahan-ay ug kahapsay sa merkado nahimo tungod sa pagtinabangay sa mga personahi sa CEED ug mga stallholders.

“Dili sayon ang merkado. You have to attend to all their needs,” dugang ni Mayor Moreno. lease_3.jpglease.jpglease_2.jpglease_1.jpg

BANK PROTECTION @ TAGMATAY CREEK, TALONGAN (PHASE 2), BRGY CANITOAN

User Rating: 0 / 5

Star inactiveStar inactiveStar inactiveStar inactiveStar inactive

Ian Fuentes / photo by Jomar Figuracion

Sa tuyo nga maproteksyonan ang mga residente nga nanimuyo sa Talongan (Phase 2), barangay Canitoan ning syudad sa panahon nga moapaw ang tubig sa Tagmatay Creek, kasamtangang gitukod karon sa administrasyon ni Mayor Oscar Moreno ang bank protection project nga nagbalor og P2,997,678 milyones. 87127008_185004002761155_436444590820556800_n.jpg87475525_192180275361577_8994756253448142848_n.jpg87064249_585628988659324_7538183176649179136_n.jpg

Bag-ong CDC sa Sitio Paglantaw, Brgy Camaman-an gitunol

User Rating: 0 / 5

Star inactiveStar inactiveStar inactiveStar inactiveStar inactive

By Nica Borja / photo by Jomar Figuracion

SAMA sa usa ka mansion alang kang Supervised Neighborhood Play (SNP) volunteer-teacher Jesus Leo Yamut ang paghulagway sa bag-ong gitunol nga Child Development Center, Pebrero 20, diha sa Sitio Paglantaw, Barangay Camaman-an, ning siyudad.

Dugay nang pangandoy ni Yamut nga matukoran og CDC ang ilang lugar sanglit dugay nang nag-antos ang mga gagmay’ng kabataan sa pagtungha sa gamay nga payag-payag.

Matud pa ni Yamut: “Dako gayud akong pasalamat. Grabe gayud ka dako ug murag dili mabayran og sapi ang akong kalipay. Mas tsada gayud diay nga nagsugod ta sa wala, plot twist, mansion diay.”

“Nagpasalamat ko sa city council ilabina sa atong Mayor. Wala niya giugma-ugma ang paghatag, kompleto tanan. Kang Vice Mayor, Thank you kaayo, sa atong 19th city council, sa CSWD family, Sir Mike Fabello, Ma’am Nida Pana ug ECCD family nga gipangulohan ni ECCD Head Annie Tongson ug sa atong mga opisyales sa Barangay Camaman-an, CHUDD, ug Homeowners Association,” dugang ni Yamut.

Ang Sitio Paglantaw, Barangay Camaman-an ang ikatulo sa mga CDC nga gitunol sa syudad nga balor og P1.250 milyones karong tuiga. Ang center adunay classroom area, storage room, kitchen, flatscreen television ug child scale toilet.

Sa laing bahin, gipahinumdum ni Yamut sa mga homeowners ug gagmay’ng kabataan nga palanggaon ug dili yaga-yagaan ang CDC, uban sa saad nga kini patsadahon pa.

Ang kalihokan hugot nga gisuportahan ni Committee on Education Chairperson Suzette Magtajas-Daba, Education Focal Person Maria Dulce ‘Toting’ Potenciano, City Social Welfare and Development (CSWD) Executive Overseer Michael Christopher Fabello, CSWD Assistant Department Head Nida Pana, CSWD Early Childhood Care and Development ubos ni ECCD Division Head Annie Tongson ug opisyales sa Barangay Camaman-an ubos ni Punong Barangay Pedro I. Arda, uban sa nagkadaiyang department heads ug kapulisan. IMG_7112_re.jpgIMG_6932_re.jpgIMG_6945_re.jpgIMG_6947_re.jpgIMG_6959_re.jpgIMG_6961_re.jpgIMG_6965_re.jpgIMG_6990_re.jpgIMG_6993_re.jpgIMG_7027_re.jpg

Featured

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
  • 44
  • 45

Recent News

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19