CDO-Banner

Kapin 60 ka KALIPI beneficiaries midawat og capital assistance

User Rating: 2 / 5

Star activeStar activeStar inactiveStar inactiveStar inactive

6-2

 

By Nica Borja
Photos by Joshua Luingas

MALIPAYONG midawat sa capital assistance balor og P2,000 matag usa ang kapin 60 ka Urban Container Household Gardening-KALIPI-Livelihood beneficiaries gikan sa Ayala Foundation, Inc, bag-ohay lang.

Lakip sa mga barangay nga nakadawat niini ang Barangay Gusa, Agusan, Cugman ug Camaman-an.

Matud pa ni Ayala Foundation Inc. Senior Operations Manager Garrett Nolasco nga ang ilang paghatag og ayuda dili lamang taman sa pagpalit og materials ug paghatag og seed capital apan magpadayon kini sa tinguha nga mahatagan og panginabuhian ang mga benepesyaryo.

Tinguha usab sa Ayala Foundation nga madasig sila pagbaton og healthy lifestyle, motabang sa pagprotehir sa kinaiyahan ug ilabina ang importansya sa pagtigum sa ilang Oro Integrated Cooperative account.

Ang maong programa hugot nga giabagan sa City Agriculture Office ubos ni CAO OIC Rocky Calingin; City Social Welfare and Development-Livelihood Section Focal Person Dorotea Elpa ug CSWD-UCHG Section Focal Person Arlene Baja.

 

PSA, Civil Registry nagpahigayon sa essay ug poster making contest

User Rating: 2 / 5

Star activeStar activeStar inactiveStar inactiveStar inactive

6

 

Text by Nica Borja
Photos by Joshua Luingas

 

MALAMPUSONG misalmot bag-ohay lang ang mga estudyante sa senior high school sa East Gusa National High School sa essay writing contest ug poster making contest nga gipasiugdahan sa Philippine Statistics Authority 10 uban sa pag-abag sa City Civil Registry ubos ni City Civil Registrar Evangeline Tapangan diha sa East Gusa National High School ning siyudad.

Ang contest subay sa ika-30 nga kasaulogan sa Civil Registration Month ug nagdala sa tema: “Shaping RVS by Embracing New Trends in the 4th Industrial Revolution (4IR).”

Lakip sa criteria sa essay writing contest ang content (35%); organization (35%); style (20%); ug mechanics (10%).

Samtang ang criteria sa poster making contest naglangkob sa relevance to the theme (40%); artistic rendition (40%); blending and harmony of colors (10%) ug originality (10%) diin ang mga entries panag-iyahan na dayon sa PSA 10 ug mahimong magamit alang sa advocacy campaign sa civil registration.

Gipasidunggan ang mga mananaug sa essay writing contest ug poster making contest og cash prize nga balor og P1,000 alang sa 1st place; P750 alang sa 2nd place ug P500 alang sa third place.

Gawas niini, misalmot ang mga estudyante sa panaghisgot kalabot sa civil registration nga gisaysay ni PSA Accountant III Jose Tuason Jr. uban ni PSA Statistical Aide V Genelyn Belaca-ol.

 

Mga mananaog sa MDC 3x3 G-League gipahalipayan ni Mayor Moreno

User Rating: 1 / 5

Star activeStar inactiveStar inactiveStar inactiveStar inactive

By Mia Panganiban / photo by Nic Anches

GIPAHALIPAYAN ni Mayor Oscar Moreno ang mga partisipante sa Maricel Diaz Clemente (MDC) 3x3 G-League human sila mibisita sa iyang buhatan, Pebrero 26, 2020.


Ang mga partisipante sa maong liga sa basketbol mao sila si Ian Dominic C. Baiño, Jacob Eragon D. Ramos, Zander C. Roque ug Edward Theodore D. Masiba sa 10-under category; Agustine Pajo, Ralm Jared Mangubat, Raffy Hassan, Vladimir Roa, Julius Jadz Villena, Joseph Adrian Serra, Robert Rhanz Ilisan ug Lorenzo Cid sa 12-under category.


Mipadayag si Mayor Moreno sa iyang suporta ngadto sa mga atleta alang sa umaabot championship games nga ipahigayon didto sa Manila karong Mayo 11-12, 2020. 
mdc_league_re.jpg

CCPC sa Cotabato City mihimo’g benchmarking sa syudad

User Rating: 0 / 5

Star inactiveStar inactiveStar inactiveStar inactiveStar inactive

By Nica Borja / photo by Nic Anches

MAINITONG gi-abiabi sa kagamhanan ning syudad ang delegasyon sa City Council for the Protection of Children (CCPC) sa Cotabato city atol sa ilang benchmarking study kon ‘Lakbay Aral’, Pebrero 26, ning siyudad.

Unang gipaila-ila ang matag representante sa CCPC kang Acting City Administrator Teddy Sabuga-a Jr diha sa City Mayor’s conference room.

Pagkahuman, midiretso ang mga bisita sa Barangay Pagatpat, ang nahimong kampeon sa “Search for Most Child-Friendly Barangay” sa miaging tuig aron pagtan-aw ug pag-obserbar sa ilang mga programa alang sa kabataan.

Gani man, gipresenta usab sa CCPC sa Cagayan de Oro pinaagi ni CCPC Vice Chairperson Dr. Minda Dominggo ang mga best practices sa siyudad hinungdan nga nakab-ot sa syudad ang pasidungog isip National Awardee sa “Search for 2018 Presidential Award for Child Friendly Municipalities and Cities” ubos sa Highly Urbanized City category.

Tuyo sa syudad nga madasig ang mga kasilinganan nga siyudad sa Mindanao nga mahimong child-friendly pinaagi sa pagpadayag sa ilang mga programa aron mapanalipdan ang katungod sa mga kabatan-onan.ccpc_re.jpg

Tricabs, sikad ug tricycle gipangdakop sa City Composite Team

User Rating: 0 / 5

Star inactiveStar inactiveStar inactiveStar inactiveStar inactive

By Annabelle Ricalde / photo by Reynan Baylin

GATUSAN ka badja, trisikads ug tricycles nga namasahero ug miagi sa national highway ang gipangdakop ug gi-isyuhan sa citation ticket sa hiniusang puwersa sa kapulisan, Roads and Traffic Administration, Highway Patrol Group ug sa clearing team sa syudad Miyerkules, Pebrero 26.

Ang maong operasyon subay sa Department of Interior and Local Government Memorandum Circular No. 2020-036 nga nagdili sa mga tricycles, pedicabs, tricabs ug motorized pedicabs nga mag-operate sa mga national highways.

Sa memorandum, gimandoan sa DILG ang mga gobernador, mayor, presiding officers sa sangguniang panlalawigan ug panglunsod, sangguniang bayan, punong barangays, PNP, BFP ug ubang hintungdang buhatan nga ipatuman kini sa ilang tagsa-tagsa ka mga hurisdiksyon.

Si Antonio Resma Jr. sa Composite Team mipasabot nga tumong sa kamandoan ang safety sa mga pasahero ug drayber mismo tungod kay ang national highway gi-utilized lamang sa mga 4-wheel vehicles nga mas bug-at pa sa 4 tons diin ang normal speed molapas sa 40 kph.

“Bisan pa og for private use lang bawal gyud sila sa national highway,” dugang ni Resma.

Hinuon, mahimong mohatag og exceptions ang sangguniang bayan ug panlalawigan kung walay alternatibong ruta ang ilang lugar.

Naglaum si Resma nga motuman sa kamandoan ang mga operators ug drivers sa trisikad, tricabs, tricycles ug motorized pedicabs ug dili na mamasahero agi sa national highway aron dili ma-impound ang ilang mga sakyanan ug mamultahan. _MG_1599_re.jpg_MG_1521_re.jpg_MG_1538_re.jpg_MG_1572_re.jpg

Featured

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
  • 44
  • 45
  • 46
  • 47
  • 48
  • 49
  • 50
  • 51
  • 52

Recent News