Wednesday, 03 March 2021 03:34

Siyudad miduyog sa Nat’l Women’s Month

Written by Text by Nica Borja / Photos by Nic Anches
Rate this item
(0 votes)
MALAMPUSONG miduyog ang siyudad sa kasaulogan sa National Women’s Month atol sa pagpakayab sa nasudnong bandila, Marso 1 diha sa City Hall Quadrangle.
Ang paglusad sa maong kasaulogan gipangulohan sa Gender and Development Focal Point System Technical Working Group (GFPS-TWG) ubos ni GFPS-TWG Chairperson Atty. Beda Joy Elot ug hugot nga gisuportahan ni Committee on Women and Family Relations Chairperson Kagawad Edna Dahino ug Kagawad Ma. Lourdes Gaane, lakip ang City Social Welfare and Development Office.
 
Atol sa paglusad niini, gisaysay ni Kagawad Dahino ang importansya sa women empowerment.
Sigun pa ni Kagawad Dahino: “I hope nga kanunay gihapon ta magmadasigon to improve ourselves. Ako lang gyud hangyo, praktison lang na positibo ang atong panglantaw sa kinabuhi no matter what obstacle we meet in life. Himoon nato nga gaan atong kinabuhi para nga whatever problema nato sa kinabuhi, pamilya, trabaho sayun ug gaan atong trabaho, paghalobilo sa uban nato kauban.”
 
“With that, I’m pretty sure nga kung gaan atong kasingkasing, we will become productive, effective and efficient. Those are traits nga kailangan nato bag-ohon so that we can make change work for us, women. Busa mga kababainhan, I’m really looking forward nga magmata kita nga inspired. Women, kita ang ilaw ng tahanan, we will make change work for us by helping ourselves nga kita mahimong empowered, we can decide best for our ourselves, best for our family, best for our work and best for the people,” dugang ni Kagawad Dahino.
Lain-laing kalihokan ang gihan-ay sa siyudad nunot niini sama sa online advocacy campaign pinaagi sa FB profile photo frame sugod Marso 1 hangtud Marso 31, photo exhibit karong Marso 15 diha sa City Hall Mini Park, National Women’s Day sa Marso 8 diha sa City Hall Quadrangle, Juana: Bet ko! Search for Exemplary Women in the battle against COVID-19 Pandemic nga open sa tanang klase sa frontliners sa Cagayan de Oro karong Marso 03 ug Kamustahan uban ang VAW Desk Officers sa pipila ka barangay karong Marso 24-26.
 
Read 1982 times Last modified on Wednesday, 03 March 2021 03:40