KINASING-KASING nga gipasalamatan ni City Mayor Rolando ‘Klarex’ Uy si CDO 2nd District Congressman Rufus Rodriguez sa iyang paningkamot nga malakip ang 400 ka mga kawani sa barangay Carmen sa Ayuda sa Kapos ang Kita Program kon AKAP.

 

Mitambong mismo si Congressman Rodriguez sa flag raising ceremony sa Brgy Carmen sa pagpangulo ni Punong Barangay Raineir Joaquin “Kikang” Uy adlaw’ng Lunes, Hunyo 10.

 

Midawat og tag P3000 isip financial assistance ang mga benepisyaryo ubos sa maong financial program sa Department of Social Welfare and Development alang sa mga empleyado nga nasulod sa “low-income category.”

 

Mapasalamaton usab si Mayor Klarex sa talagsaong kahigayonan nga nasaksihan sa tanan ang panaghiusa sa pamilyang Rodriguez ug Uy sa paghatod sa batakang serbisyo ug programa sa gobyerno ngadto sa katawhan.

 

Sa iyang kabahin gidayeg usab ni Cong. Rufus Rodriguez ang liderato ni Mayor Klarex uban sa suporta usab ni Vice Mayor Jocelyn Bebot Rodriguez nga mapalambo pa ang syudad.

 

Lakip mitambong sa programa si Vice Mayor Jocelyn Bebot Rodriguez, Barangay Nazareth Punong Barangay Atty. Regine Rodriguez ug Abamin Partylist Representative Maximo Rodriguez. (AGP/Photos by Kim Zaldivar/CIO