GIPAHIMANGNOAN karon sa City Health Office ang katawhan sa kanunay’ng paglimpyo sa palibot ug pagmabinantayon kalabot sa nakitang pagtaas sa kaso sa Dengue dinhi sa dakbayan.

 

Subay sa datos nga gipagawas sa City Health Office, ubos sa pagpangulo ni City Health Officer Dr Rachel Dilla, nga nakatala kini og 870 ka kaso sa Dengue Fever gikan sa Enero 1 hangtud petsa 12 ning bulan sa Agosto.

 

Mas taas kini ug 45.40% kun itandi sa susamang bulan sa nakalabay nga tuig diin mitala lamang og 475 ka mga kaso.

 

Samtang, anaa sa 1 year old hangtud 84 years old ang natakboyan sa dengue ug daghan niini anaa na sa hamtong nga panuigon.

 

Nasayran usab nga mitala na sa 4 nakabsan sa kinabuhi gikan sa bulan sa Enero ning tuiga hangtud Agosto 12 ning tuig.

 

Tungod niini mas gipakusog pa karon sa City Health Office ang awareness campaign batok Dengue diha sa komunidad ug kanunay’ng manghinlo sa palibot, ilabina kadtong itloganan sa lamok, ug sundon ang 5S batok dengue kon: 'Search and Destroy, Self-Protect, Seek Consultation, Support Fogging in outbreak areas, ug Sustain Hydration'. (GB/CIO)