Subling gitin-aw ni Mayor Rolando `Klarex’ Uy nga walay putlon ug mawala nga kahoy diha sa Divisoria sa pagpatuman sa Project Lunhaw, ilabina ang pagtrabaho sa Phase 2 ug Phase 3 human gipahigayon ang groundbreaking niadtong adlaw’ng Biyernes, Nobyembre 8.

 

“Dako kaayo’g natabang kana sa kabugnaw ug mismo kalandong sa mga tawo nga nagpahulay ilawom sa mga kahoy,” pamahayag ni Mayor Klarex atol sa flag raising ceremony sa city hall Lunes sa buntag.

 

Samtang, gidugang pa sa mayor nga lakip sa mausab sa redevelopment project sa Plaza Divisoria ang public comfort room tungod kay paningkamotan sa syudad nga mabutangan kini og air conditioning aron bugnaw ug komportable sa publiko nga mogamit. (ALR/CIO/Photos & video by Reynan Baylin & Jun Cañete/CIO)