MALIPAYONG gipahibalo ni City Mayor Rolando ‘Klarex’ A. Uy ngadto sa mga kawani sa City Hall atol sa flagraising ceremony, Lunes, Nobyembre 11, 2024 nga ipahigayon ang City Hall Christmas Party sa umaabot Disyembre 20, 2024, diin lakip sa major raffle prizes ang tag-usa ka Toyota Rush, Toyota Raize ug Toyota Vios ang posibleng madaugan.

 

Samtang sa minor raffle prizes, adunay 80 ka motorsiklo, 80 ka TV, 80 ka washing machine, 80 ka cellphone, 80 ka rice cooker ug 80 ka electric fan ang nagpaabot sa mga palarang mananaog.

 

Gawas pa niini, makadawat usab og tag-50 kilos nga bugas ang matag kawani sa city hall.

 

Matod ni Mayor Klarex usa kini ka pagpadayag sa pagpasalamat ug pahalipay sa gipakitang kakugi sa matag kawani sa nagkadaiyang departamento ug opisina sa city hall diha sa pagtunol og tiunay nga serbisyo publiko. (AGP/Photo by Reynan Baylin)