GIPAILAWOM ang mga barangay health workers sa Cagayan de Oro sa ‘Orientation and Desensitization of Adolescent and Reproductive Health’ nga gipasiugdahan sa City Heath Office sugod Enero 21 ngadto 23, 2025 sa usa ka hotel ning syudad.

 

Laraw sa tulo ka hugna nga orientation ang pagpalawom ug pagpalapad pa sa kahibalo ug pag-edukar sa mga BHWs mahitungod sa adolescent and reproductive health ug pagtul-id sa mga sayup nga naandan.

 

Kini nahisubay usab sa paningkamot nga makunhoran ang insidente sa ‘teenage pregnancy’ ug mapugngan ang pagtaas sa ihap sa mga kabatan-onan nga nalambigit sa dili maayong kalihokan, ingon man ang pagpalambo sa health-seeking behavior sa mga kabatan-onan.

 

Atol sa aktibidad aduna usab pagpa-ambit sa matag BHW sa ilang mga kasinatian sa paghatag serbisyo gikan sa ilang mga Level 1 ug Level 2 Adolescent- Friendly Health Facilities. Huot usab gipahunduman ang mga BHWs kabahin sa istriktong pagtamod sa balaod nga Data Privacy. (AGP/Photos & Videos by Kim Zaldivar/Jomar Figuracion/CIO)