GISAGOP sa Cagayan de Oro City Disaster Risk Reduction and Management Council (CDRRMC) pinaagi sa resolusyon ang Risk Communication Plan 2025-2028 sa syudad atol sa gipahigayon nga 4th quarter CDRRM full council meeting, nga gisalmotan sa nagkadaiyang myembro sa konseho gikan sa ahensya sa gobyerno, pribadong sektor ug non-governmental organizations, Disyembre 4, 2025.

 

Ang nasangpit nga Risk Comm Plan nga nakatutok sa lima ka priority hazards ang gikatakda usab nga isang-at sa 21st City Council alang sa pagduso sa city resolution.

 

Lakip usab gi-aprobahan sa full council ang pag-amendar sa CDRRMC re-organization aron pagsukip isip regular member ang Bureau of Jail Management and Penology (BJMP) ug 1001CDC, 10RCDG Reserve Command - Philippine Army.

 

Aprubado usab ang lakang sa pag-institutionalize pinaagi sa paglagda og Memorandum of Agreement tali syudad ug Xavier University -Ateneo de Cagayan lambigit sa Climate and Disaster Risk Assessment (CDRA) Report.

 

Nagsilbing presiding officer si City Planning and Development Office Department Manager Engr. Ardines C. Cabrera ug mitambong usab si Department of the Interior and Local Government (DILG) City Director Ellaine Josephine Depaur ug CDRRMD Chief Nick Jabagat. (AGP/Photos by Kim Zaldivar/CIO)