MOKABAT sa 489 ka mga residente ang nakapahimulos sa libreng medical services nga gitanyag sa programang Suruy-Suruy sa Baryo, Martes, Pebrero 24, 2026 diha sa Barangay Kauswagan.

 

Ang SSB gipaluyohan sa City Health Insurance Office, uban sa suporta sa City Health Office, JR Borja General Hospital, City Disaster Risk Reduction and Management Department sa tuyo nga mahatod sa tugkaran sa katawhan ang nagkadaiyang serbisyo sa panlawas nga gilangkoban sa Philhealth services, dental ug eye-care services, laboratory, pag-apod apod sa tambal ug uban pa.

 

Susamang mga serbisyo ang matagamtaman usab sa katawhan sa Barangay Patag karong Marso 3, ug Barangay Gusa karong Marso 5 kung asa ipahigayon ang laing hugna sa SSB sa bulan sa Marso. (AGP/Photos by Jhoanne Abejo/CIO)