USA ka panagtapok ang gipahigayun sa mga lideres sa Indigenous Peoples Sector gikan sa nagkadaiyang barangay alang sa ikaduhang city-wide Panahud Ritual, Pebrero 24, sa Gloryville Farm, Lumbia, ning siyudad.

 

Gihalad sa ‘ritual’ ang upat ka manok ug usa ka baboy isip paghandom sa cultural heritage sa Higaonon tribe.

 

Nahimong mahinungdanon ang maong ritwal ug kini gitambongan ni Acting City Information Officer Jade Adeser ug Atty. Phoebe Karren Malinda kinsa usa sa mga pinakaunang lawyer sa Higaonon Tribe sa dakbayan sa Cagayan de Oro.

 

Ang ritual gipangulohan sa Higaonon Tribal Council of Cagayan (Council of Elders) ubos ni Roger Edgardo “Datu Magagaw” Butlig ug gisalmotan sa mga indigenous cultural communities nga gilangkoban sa IP leaders gikan sa 17 ka barangay sa siyudad diin asa nanimuyo ang mga IPs, IPs section sa City Social Welfare and Development Department ubos ni CSWD IPs Section Head Nena “Bae Rose” Lumandong ug mga personahe sa City College of Cagayan de Oro.

 

Tumong sa maong ritual ang pagpasalamat sa mga IP Leaders sa ilang mga ancestor ug mga spirit dala pangayo sa giya gikan sa ‘Magbabaya’ (Ginoo) alang sa proteksyon sa kinaiyahan sa siyudad ug kahimsog nga panglawas alang sa mga molupyo sa Cagayan de Oro sa tuig 2026. (NLB/photos by Iren Fuentes/CIO