SUBLING nanawagan ang City Social Welfare and Development Department - Psyschosocial Unit sa mga sakop sa media sa pagsunod sa responsible reporting ingon man usab sa social media users kalabot sa suicide cases alayon sa sunod-sunod nga suicide cases sa siyudad.

 

Gani sila nanawagan nga maglikay sa pagsibya og article, video ug picture sa pangalan ug gipuy-an sa mipanaw tungod sa suicide, pamaagi sa pag-suicide, rason sa pagpakamatay ilabina ang pagbuhat og dili tinuod nga storya.

 

Nasayrang ang irresponsible reporting sa suicide cases mahimong maka-trigger sa aduna’y history sa suicide attempt o aduna’y sinyales nga gipakita kalabot sa suicide.

 

Kini usab makahatag og stress ug kaguol sa pamilyang nabiyaan sa mipanaw tungod sa suicide. (NLB/CIO/pubmat courtesy of CSWD CDO Psychosocial)