LAING hisgutanan kalabot sa gisugyot nga mga imprastaktura, ‘research initiatives’, ug mga akademikong programa nga nagtutok sa mga prayoridad sa agrikultura sa Cagayan de Oro ubos sa ‘university development projects’ ang gituki sa City Agricultural Productivity Operations Office (CAPOO) ug University of Science and Technology of Southern Philippines - Balubal diha sa buhatan sa CAPOO, adlawng Huwebes, Pebrero 26 ning tuig.

 

Ang maong panagtigom gisalmotan ni City Agriculturist Engr. Bernie A. Daba Jr. ug mga representante gikan USTP-Balubal nga sila Ar. Joseph Pertines, Jumar Amores, Mark Anthony Bactong Angela Katrina Dongdong.

 

Tumong niini nga mapalapdan ang suporta sa unibersidad sa paghatag og suporta sa mga mag-uuma, agri-preneurs, ug sa mga baryong dapit ning siyudad.

 

Gani, padayon ang ilang koordinasyon ug hugot nga paningkamot alang sa mas progresibo ug lig-on nga sektor sa agrikultura ning dakbayan. (LRM/CIO photos from CAPOO)