GIBUKSAN sa City Education and Development Office (CEDO) ang special Skills Caravan alang sa mga “Former Rebels to Friends Restored,” adlaw’ng Biyernes, Pebrero 27, sa Oro Kalandang "Peace" Center, Sitio Tambo, Barangay Dansolihon, ning siyudad.

 

Gipaila sa maong skills caravan ang nakadaiyang vocational skills trainings nga nahisakop sa Relevant Industry Skills for Employment -Technical Vocational Education Training (RISE-TVET) scholarship program sa CEDO nga mahimong maka-enrol ang mga former rebels sama na lamang sa Electrical Installation and Maintenance NC II, Computer System Servicing NC II, Driving NC II, Heavy Equipment Operation (HEO) Forklift NC II, HEO Backhoe Loader NC II, HEO Bulldozer ug Shielded Metal Arc Welding NC I & NC II.

 

Ang mga former rebels miyembro sa Enhanced Comprehensive Local Integration Program (E-CLIP), sa City Social Welfare and Development (CSWD) Department nga gatabang sa former rebels (FRs) nga mahibalik sa katilingban.

 

Nasayrang ang RISE-TVET kon vocational courses scholarship nga gisugdan ubos sa administrasyon ni Mayor Klarex Uy alayon sa tumong nga mahatagan og oportunidad nga maka-eskwela ang tanan. (NLB/photos by Reynan Baylin/CIO)