MALAMPUSONG natigayon ang Regional Strategic Planning alang sa tuig 2026 nga gilangkuban sa mga nagkadaiyang representante sa Rural-Based Organizations (RBOs), Rural Improvement Clubs (RICs), Regional LSA, 4-H Club Meeting and Assessment, ug Volunteer Leaders Association of the Philippines (VLAP) diha sa Harbor Lights Hotel, bag-ohay lang.

 

Ang maong Regional Strategic Planning gipangulohan sa Agricultural Training Institute - Regional Training Center X diin opisyal nga milagda ang mga Rural-Based Organizations aron lig-onon ang panaghiusa ug hiniusang aksyon alang sa mga mag-uuma, kababaihan, ug kabatan-unan.

 

Gipamatud-an niini ang ilang padayong paningkamot ug dedikasyon sa pagpalambo sa agrikultura ug paglig-on sa komunidad alang sa tuig 2026. (LRM/CIO/ photos from CAPOO)