DUGANG lima ka mga barangay ning syudad ang posibleng ma-deklara nga drug-cleared human kini gipaningkamutan sa City Anti-Drug Abuse Council (CADAC) pinangulohan ni Mayor Rolando `Klarex’ Uy.

 

Si Evangeline Isidro, section head sa City Anti-Drug Abuse Division – Oro Wellness Center mibutyag nga kini nga mga barangay mao ang Barangay Taglimao, Barangays 29, 31, 32, ug 33.

 

Apan siya mipasabot nga mas mauna sa deliberation karong bulan sa Marso ang Barangay Taglimao ug Barangay 29 kay kumpleto na ilang mga dokumento ug requirement nga gikinahanglan.

 

Ug dako ang posibilidad nga mauna usab kini nga ma-deklara isip drug-cleared barangay.

 

Sa kasamtangan 29 pa lamang ka barangay ning syudad ang na-deklara nga drug-cleared ug drug-free hinungdan nga naningkamot ang CADAD-Oro Wellness nga madugangan ang ihap sa drug-cleared barangay. (ALR/CIO/Photos by Reynan Baylin/CIO)