GITAPOS sa City Education and Development Office (CEDO) ang gipahigayong Iskolar sa Dakbayan Leadership Academy (ISLA) 2026 adlaw’ng Sabado, Pebrero 28 sa Pilgrim College Auditorium ning syudad.

 

Atol sa culmination, gipasundayag ang walo ka proyekto nga namugna pinaagi sa ISLA.

 

Kasagaran sa mga proyekto nakatutok sa pagsulbad sa mga isyu kalabot sa solid waste management ug pag-amuma sa kinaiyahan.

 

Misalmot sa kalihokan sila si Richel Petalcurin- Dahay sa CEDO, Committee on Education Chairperson City Councilor Moreno “Jing” Daba IV, City Administrator Atty. Roy Hilario Raagas, 180 ka scholar leaders, barangay officials ug Sangguniang Kabataan Officials.

 

Ang ISLA nahimong posible pinaagi sa tabang sa Gawad Kalinga- Central Office, Couples for Christ (CFC)- Gawad Kalinga, Office of the City Mayor, Office of City Councilor Jing Daba, City Councilor Des Dahino, Sangunniang Kabaan Federation of Cagayan de Oro City, Silver Eagles Club, Virginia Inc., ug Dunkin Donuts.

 

Nasayrang ang ISLA milungtad sa walo ka semana.

 

Tinguha niini nga madasig ang mga scholar-leaders nga makamugna og proyekto nga makatabang sa mga kinahanglanon sa ilang tagsa-tagsa ka barangay lakip na usab ang makamugna og relasyon uban kanila. (NLB/CIO/photos courtesy of CEDO)