MOKABAT sa 75 ka Barangay Violence against Women Desk Officers ang misalmot sa 1st Quarter Meeting, adlaw’ng Martes, Marso 3, nga gipahigayon sa Office for Senior Citizen Affairs (OSCA) Center, Barangay 40.

 

Lakip sa nahisgotan ang paghisgot sa mga kalihokan alayon sa Women’s Month Celebration nga gisaulog ning bulan sa Marso, Anti-Sexual Harassment (ASH) Desk Roles and Responsibilities, pag-pili sa Violence against Women against Children (VAWC) Desk Representatives nga motambong sa City Inter-Agency Committee Against Trafficking, and Violence Against Women and their Children (CIACAT-VAWC) meetings.

 

Nagpahigayon usab og open forum kalabot sa pagtubag ug pag-atiman sa kaso alayon sa VAWC ug Safe Spaces.

 

Misalmot sa kalihokan ang mga miyembro sa CIACAT-VAWC pinangulohan ni CIACAT-VAWC Focal Person ug City Social Welfare and Development (CSWD) Department Special Unit Head Atty. Venamay Celeste. (NLB-CIO/photos courtesy of CIACAT-VAWC)