DILI MOUBOS SA 1,800 ka mga Kagay-anon ang midagsa sa People’s Day Program ni Mayor Klarex Uy sa City Hall Quadrangle adlaw’ng Miyerkules, Marso 4 ning tuig.

 

Gani, personal nga gipaminaw ni Mayor Klarex, uban sa mga department managers, ang mga panginahanglan ug tinguha sa katawhan nga misulay paghangyo kaniya.

 

Ang maong programa usa ka one-stop-shop nga naghatag serbisyo sama sa business permit renewal, job ug scholarship inquiries, late birth registration, ug financial ug medical assistance.

 

Lakip sa mga nakabenepisyo sa maong programa ang duha ka fresh graduates sa Liceo de Cagayan University ug board passers nga sila Annah Belle Mae Amontos ug Gabriel Chimuel Lago Cañete, nga naglaum makakita og trabaho pinaagi sa programa.

 

Samtang dalhon usab ang People’s Day matag ika-duha hangtod ika-upat nga Lunes sa bulan sa mga kabarangayan aron mas mapaduol ang serbisyo sa katawhan. (DYM/Photos by Kim Zaldivar and Jhoanne Abejo/CIO)