NAGPAHIGAYON og profiling activity ang City Agricultural Productivity Operations Office (CAPPO) kauban ang SM Foundation alang sa mga Kabalikat Sa Kabuhayan (KSK) graduates sa Barangay Lumbia ug Canitoan (Marso 3) ning tuig.

 

Ang maong kalihokan nagsentro sa pagsuta sa mga mag-uuma sa ilang kaandam alang sa ‘product placement’ ug ‘institutional market partnership’.

 

Lakip sa tumong sa profiling ang pagpalig-on sa ilang panginabuhian ingon man sa pagkonekta sa lokal nga merkado ngadto sa SM Markets ug mga subsidiya niini.

 

Pinaagi sa profiling activity, kini nagbukas sa mga lokal nga producer o mag-uuma nga makadugang sa ilang abot pinaagi sa pag-access sa mas dagko ug mas lig-on nga merkado.

 

Kini usa ka lakang nga naghatag og paglaum kanila alang sa malungtarong pagpalambo sa ilang panginabuhi.

 

Sa susamang adlaw, mipahigayon usab og ‘orientation’ mahitungod sa Sustainable Livelihood Program ang CSWD agi og pagpaabot nga andam ang lokal nga kagamhanan sa pagsuporta kanila sama sa government assistance, enterprise development support, ug giyang pinansiyal.

 

Gipadayag usab ni City Agriculturist Engr. Bernie A. Daba Jr. nga padayon ang hugot nga teknikal ug institusyonal nga suporta sa siyudad alang sa mga KSK graduates lakip usab ang pagdasig sa mga mag-umma ning dakbayan. (LRM/CIO photos from CAPOO)