SA dakong tinguha nga mahimong kabahin sa paglambo ug makatabang sa JR Borja General Hospital (JRBGH) ug Cagayan de Oro City Primary Care Center-Tablon, gitunol sa mga kadagkoan sa The Church of Jesus Christ of Latter-Day Saints ang nagkalain-laing medical supplies sa maong hospital adlaw’ng Huwebes, Marso 5 ning tuig.

 

Alang sa JRBGH, lakip sa mga nadawat nga equipements ang mga, (1 )2D Echo Machine, (1) OB-GYN Ultrasound, (5) Syringe Pump with stands, (1) Cardiac monitors with capnograph, (2) CTG machines with trolley, (1) Cautery machines with trolley, (3) Mechanical ventilator machines, and (3) Defibrillator machines with AED.

 

Samtang sa CDO Primary Care Center-Tablon gitunol usab nila ang (25) Adult Hospital Beds, (25) Pediatric Hospital Beds, (2) Cardiotocography (CTG) Machines, (10) Infusion Pumps, (2) Delivery Room Tables, (2) Biomedical Refrigerators, (5) Electrocardiogram (ECG) Machines, (2) Defibrillators Monitors, (1) Ultrasound Machine, and (5) Fully Stocked Emergency Crash Cart / Medical Kits.

 

Tungod niini mapasalamaton si Dr. Geneen T. Macadaeg ug Acting Chief of Hospital Dr. Michael June Perez sa maong donasyon sanglit dako kini’g ikatabang sa pagpalapad sa dekalidad ug adunay pagbati nga serbisyong medikal alang sa mga Kagay-anon.

 

Sumala usab ni City Administrator Atty. Roy Raagas, representante ni Mayor Klarex Uy, nga ang mga ekipo makapalig-on sa adlaw-adlaw nga operasyon sa mga pasilidad panglawas diin makahatag og mas accessible ug kalidad nga healthcare sa katawhan.

 

Gani, si Joel Fabre Marcaida, representante sa simbahan, miingon nga kini nga mga equipments ug resources makapanalangin sa daghang pamilya sa komunidad. (DYM/CIO/Photos by Iren Fuentes/CIO)