GIBUKSAN sa kagamhanan ning siyudad ang kasaulogan sa National Women’s Month, adlaw’ng Biyernes, Marso 6.

 

Kini gibuksan pinaagi sa usa ka santos nga misa nga gipahigayon diha sa St. Augustine Metropolitan Cathedral ug gipangulohan ni Fr. Anthony Bactong, ug gisundan dayon sa motorcade nga gisalmotan mismo ni Committee on Women and Family Relations Chairperson City Councilor Des Dahino, City Councilor Gigi Go, Regional Gender and Development Committee (RGADC) pinangulohan ni Neil Aldrin G. Omega, nagkadaiyang buhatan sa city hall, kabarangayan, national government agencies, private organizations ug uban pa.

 

Gawas sa santos nga misa, nahimong mahinungdanon usab ang pagbukas sa Women’s Month human gihimo ang “Stride for Equality” agi’g pagsaludo sa sektor sa kababayen-an.

 

Ang kick-off activity gipangulohan sa City Gender and Development Office ubos sa tema: “WE for Gender Equality and an Inclusive Society." (NLB/CIO/photos by Jhoanne Abejo and Iren Fuentes/CIO).