NAKAPAHIMULOS ang mga residente sa Barangay Bayanga human gidala ang mga batakang serbisyo sa city hall sa ika-tulong hugna pinaagi sa Kuyug ta sa Serbisyo sa Baryo (KSB) ni Mayor Rolando 'Klarex' Uy adlaw'ng Sabado, Marso 7 ning tuig.

 

Gipadayag ni Punong Barangay Felipe Baang ang iyang pasalamat kang Mayor Klarex sa paghatud sa serbisyo diha mismo sa ilang tugkaran.

 

Tumong sa KSB nga matagamtaman ang mga serbisyo nga gilangkoban sama sa libreng dental services, hilot, haircut, tuli, eye care services, medical check-up, Philhealth Insurance services, ug uban pa alang sa tuyo nga mapaduol ang gobyerno sa katawhan ug ang katawhan duol sa gobyerno. Gani, anaa usab sa walo ka magtiayon ang gibugkos sa kaminyoon ni Mayor Klarex.

 

Sa laing bahin, mokabat usab sa 158 beneficiaries sa Philhealth member data record (MDR) ang gi turn-over sa mga residente gikan sa PhilHealth Region 10, kauban ang City Health Insurance Office ug City Health Office, 100 bags of salt fertilizer gikan sa Philippine Coconut Authority (PCA), 1 unit IBC Tank and Accessories para sa Bayanga Coconut Integrated and Farmers Association (BCIFA), 1 foldable table, 1 digital weighing scale, materials for record-keeping para sa Batinay Farmers Association (Tagpangi) gikan sa Office of the City Agriculturist, ug mga animal dispersal sa 25 free range chicken, 1 pig (baboy) and 1 cattle (baka) gikan sa Office of the City Veterinarian. (DYM-CIO/Photos by Harry Tibon/CMO)