NAGPAHIGAON na usab og ika-13 nga “Pamulalakaw” ritwal ang tribong Higaonon, adlaw’ng Sabado, Marso 7 sa Ugiaban river, Barangay Dansolihon, ning siyudad.

 

Atol sa ritwal, gihalad sa mga Higaonon ug mga bisita niini ang kapin 20 ka manok agi’g pangamuyo sa espiritu sa suba.

 

Ang maong ritwal nabahin sa duha ka parte nga gipangulohan ni Baylan Sumagayan Benie Malinda, diin aduna usab hamubong programa nga gipangulohan ni Carmelito Nacalaban kon Datu Hapitan.

 

Kini gisalmotan sa mga IP leaders, mga miyembro sa IPS sector, Indigenous Peoples Apostolate, mga representante sa interfaith groups, Department of Public Works and Highways Region X, Department of Social Welfare and Development Region X, Department of Agriculture Region X, Department of Environment and Natural Resources Region X, Bing Mordeno sa The Samdhana Institute Incorporated, ug mga personahe sa City Local Environment and Resources Office (Clenro), City Museum of Cagayan de Oro, City Tourism and Cultural Affairs Office, LGU- Baungon ug uban pa.

 

Ang kalihokan gipasiugdahan sa Higaonon Tribal Council of Cagayan de Oro (Council of Elders) ug Indigenous Peoples Sector sa City Social Welfare and Development Department uban sa hugot nga suporta ni Mayor Klarex Uy.

 

Nasayrang ang 'Pamulalakaw,' usa ka ritwal nga gihalad isip paghinumdum sa mga nakabsan og kinabuhi sa trahedya nga dala sa Bagyong Sendong niadtong tuig 2011 lakip na ang mapanalipdan ang kasubaan ug kinaiyahan sa syudad batok sa katalagman ug kalamidad.

 

Tumong niini ang pagpangayo og proteksyon sa Magbabaya (Ginoo) batok sa bisan unsang klase sa kalamidad. (NLB/CIO/PHOTOS BY TYRONE BALHON/CIO)