GISUGDAN na ang temporaryong pagsira sa Guillermo Night Market niadtong adlaw’ng Lunes, Marso 9, human kini gisuspende sa Night Market Management Committee (NMMC) aron matubag ang nagkadaiyang isyu sama sa trapiko, presensya sa mga dili awtorisadong vendors, pagpamaligya gawas sa gitakdang oras, problema sa mantika sa dalan, ug mga dili pagsinabtanay tali sa mga namaligya.

 

Human sa suspension, gibuhat ang flushing sa maong lugar nga nagdala og mas limpyo ug mas hapsay nga palibot.

 

Mismong mga vendors usab ang mitabang sa pagpanghinlo aron mahipos ug mapanindot pag-usab ang lugar.

 

Sa pagkakaron, wala pa’y gitakdang petsa kung kanus-a makabalik ang operasyon sa mga vendors. Padayon usab ang pagbantay ug pag-survey sa mga personnel sa RTA ug COCPO aron masiguro nga nasunod ang mga patakaran sa panahon sa temporaryong suspension. (DYM/CIO/Photos by NMMC)