MIDUYOG sa kasaulogan sa National Women’s Month ang mga SOLO parents ning siyudad pinaagi sa City Social Welfare and Development (CSWD) Solo Parents Section, adlaw’ng Huwebes, Marso 19, diha sa Barangay Carmen Conference Room, ning siyudad.

 

Atol sa kasaulogan, ang mga solo parents nakapahimulos sa libreng stress debriefing nga gihisgutan sa CSWD Psychosocial Division ug Empowerment session kalabot sa Breast Cancer nga gihisgutan ni Dr. Shirley Bacus gikan sa Hope Channel.

 

Samtang, misalmot sa kalihokan sila si CSWD Officer Annie Tongson, CSWD Solo Parents Section Head Mary Apple Dawn Tabafa, CSWD Psychosocial Unit pinangulohan ni CSWD Psychosocial Unit Rio Rosal Baliling ug Committee on Women and Families Chairperson City Councilor Des Dahino.

 

Hisayrang kini ang unang hugna sa stress debriefing ingon man ang ikaduhang hugna ipahigayun sa Marso 24.

 

Gani, ang maong pagsaulog sa solo parents sa National Women’s Month usa ka timaan nga ang tanang babaye bisan sa asang sektor angay saulogon. (NLB/CIO/photos courtesy of CSWD)

 

#WEcanbeEquALL #NWMC2026