NAGPAHIGAYON og Urban Gardening and Hydroponics Training ang City Agricultural Productivity Operations Office (CAPOO) ngadto sa 50 ka mga personahe sa Air Force Command Headquarters, 15th Strike Wing sa Lumbia ning siyudad bag-ohay lang.

 

Agi og suporta sa National Urban and Peri-Urban Agriculture Program (NUPAP) sa Department of Agriculture, gidasig sa Agronomy Division sa CAPOO ang mga personahe sa pagpalig-on sa household and institutional food production, ingon man sa pagsuporta sa malungtarong sistema sa pagkaon dinhi ning siyudad pinaagi sa paghatag og praktikal nga kahibalo ug kahanas sa pagmugna og urban gardens ug pagamit sa hydroponics systems.

 

Lakip sa pagbansay ang mga hisgutanan sama sa pagpili sa lugar o luna, pagdumala sa mga talamnon, pag-andam sa nutrient solution, ug ang pagmintinar sa hydroponic systems. (LRM/CIO/ photos from CAPOO)