GIDAGSA sa mga residente sa Barangay Canitoan ang laing hugna sa programang Kuyug Ta! Sa Serbisyo sa Baryo ni Mayor Rolando Klarex Uy (Marso 21).

 

Gidala sa maong barangay ang mga libre ug nag-unang serbisyo sa dakbayan sama sa medikal (dental, tuli, check-ups, tambal, etc.), legal nga assistance, suporta alang sa edukasyon, agrikultural, personal wellness, animal vaccination, ug uban pa.

 

Lakip sa programang KSB ang animal dispersal pinaagi sa City Veterinary Office, pag turnover sa 312 PhilHealth Cards sa City Health and Insurance Office.

 

Samtang midawat usab ang Canitoan Farmers Multi-purpose Cooperative (CAFAMCO) og usa (1) ka unit sa Small Scale Irrigation pump with accessories lakip napulo (10) ka piraso sa Galvanised Iron sheets gikan City Agricultural Productivity Operations Office.

 

Mukabat usab sa 18 ka mga paresan ang opisyal nga gibugkos sa kaminyoon pinaagi sa Kasalan sa Baryo, usa ka free mass wedding program hatod ni Mayor Uy nga nagtumong sa pagpalig-on sa matag pamilyang Kagay-anon.

 

Malipayong midawat ang mga bag-ong kinasal sa libre nga wine, cake, lechon nga regalo gikan sa Pamilyang Uy. (LRM/CIO photos by Jhoanne Abejo/ Iren Fuentes/ & Harry Tibon/CMO)