GISUGDAN na og apod-apod ang fuel subsidy sa 1,346 registered motorela drivers karong adlawa sa City Hall quadrangle.

 

Kini giapod-apod sa Department of Social Welfare and Development (DSWD) Region 10 ingon man sa kagamhanang lokal ning syudad.

 

Midawat ang mga registered motorela drivers og balor P7,000 diin unang madawat ang P5,000 niini gikan sa DSWD ug dugang P2,000 gikan sa siyudad sa paningkamot ni Mayor Klarex Uy.

 

Ang maong inisyatiba nahimong posible pinaagi sa Department of Social Welfare and Development (DSWD) Region X, City Social Welfare and Development (CSWD) Department, Roads and Traffic Administration ug Business Permits and Licensing Department (BPLD), City Mayor’s Office ug City Treasurer’s Office.

 

Nag-unang tumong sa fuel subsidy nga mahatagan bisan gamay nga alibyo ang mga registered motorela drivers sa ilang pagpamasada matag adlaw, ilabina karong panahona nga nagpadayon ang pagtaas sa presyo sa gasolina bunga sa kagubot sa Middle East. (NLB/photos by Iren Fuentes/CIO)