SA tinguha nga magamit sa husto ug praktikal ang Artificial Intelligence ilabina sa mga empleyado sa City Hall ug Kapitolyo Probinsyal, nagpahigayon og “AI in a Box” program ang kagamhanang lokal pinaagi sa City Management Information Systems and Innovation Department (CMISID) adlaw’ng Martes, Abril 7 ning tuig.

 

Ang A.I. in the Box usa ka A.I. training aron mapalambo ang digital capability o modernizing public service pinaagi sa innovative technology sa lokal nga kagamhanan.

 

Gani, lakip sa training ang pagdesinyo sa Chatbot A.I., diin usa kini ka A.I. generated response nga application diin makatubag kini sa mga pangutana kung adunay mag-inquire sa nagkadaiyang pages sa mga departamento sa LGU.

 

Ang maong kalihokan gipangunahan sa CMISID uban sa City College of Cagayan de Oro ubos sa kolaborasyon sa PLDT ug Smart Communications uban sa supporta sa PLDT Smart Foundation.

 

Ang maong training naglaom nga makakat-on og basic nga kahibalo ang mga empleyado aron kini magamit sa adlaw-adlaw nga operasyon sa gobyerno ilabi na sa paghatag og mas paspas og klarong serbisyo sa publiko. (DYM/Photos by Roel Felicitas/CIO)