MALAMPUSONG gipahigayon sa mga myembro sa City Disaster Risk Reduction and Management Council ang 1st quarter monitoring & evaluation sa tanang mga proyekto, programa, aktibidad (PPAs) lambigit sa DRRM ug Climate Change Adaptation karong adlawa, Abril 8..

 

Laraw niini ang pagsiguro nga ang nasangpit nga mga PPAs nahisubay sa gitakda sa LDRRM Plan ug LDRRM Fund Investment Plan nga naglangkob usab sa disaster prevention and mitigation, disaster preparedness, disaster response & early recovery ug disaster rehabilitation & recovery thematic pillars.

 

Kini gisalmotan sa myembro sa konseho gikan sa nag-unang buhatan sa city hall, nasudnong ahensya, business sector, civil society organizations, ug uban pang stakeholders.

 

Gipadangat usab ni City Administrator Atty. Roy Hilario Raagas ang mensahe pasalamat ni Mayor Rolando 'Klarex' Uy sa aktibong partisipasyon sa tanang stakeholders.

 

Gihingusgan usab niini ang kamahinungdanon sa kanunay nga pagpalambo ug pagpahapsay pa sa naandang sistema ug proseso sa pagmonitor sa mga programa ubos sa DRRM-CCA. (AGP/Photos by Roel Felicitas/CIO)