NUNOT sa paghandum sa ika-84 nga 'Araw ng Kagitingan,' nagpahigayon ang lokal nga kagamhanan og medical mission alang sa mga miyembro sa Veterans Affairs Office, adlaw'ng Huwebes, Abril 9, sa City Hall Quadrangle.

 

Gatusan ka mga beterano ang malampusong naserbisyohan sa maong medical mission. Apan, dili lamang kini limitado sa mga miyembro sa beterano, kon dili giabrihan usab alang sa tanang gustong magpakonsulta bisan dili beterano.

 

Ang maong kalihokan nagtanyag og libreng health consultation pinaagi sa mga doktor sa siyudad, ug adunay libre nga pagpanghatag og mga tambal. Kini gipasiugdahan sa City Health Insurance Office. (MDS/CIO/Photos by: Iren Fuentes/CIO)