PORMAL nang gibuksan ang opening program sa city-wide Inter-Hospital Wellness Sportsfest adlaw’ng Biyernes, Abril 10 ning tuig, nga nagtumong sa pagpalig-on tali sa panaghiusa ug paghinigalaay sa sektor sa panglawas sa syudad sa Cagayan de Oro.

 

Ang maong aktibidad nahiuyon sa RISE Agenda ni Mayor Rolando “Klarex” Uy, nga nagtinguha nga mapahiusa ang mga public ug private hospitals, allied health institutions, ug health facilities sa dakbayan aron mapalambo ang wellness, camaraderie, ug kolaborasyon tali sa mga healthcare professionals.

 

Lakip sa mga dula nga ipahigayon sa sportsfest mao ang basketball, volleyball, soccer, badminton, table tennis, ug darts nga adunay tagsa-tagsa ka schedule nga pagasundon.

 

Ang maong kalihokan magpadayon hangtod sa culmination day nga ipahigayon sa Agosto ning tuig.

 

Ang mga participating hospitals mao ang nagkadaiyang mao ang Ace Medical Center CDO, Capital University Medical Center (CUMC), Cagayan de Oro Medical Center, Inc. (COMC), CDO Polymedic Medical Plaza, Inc. (CPMP), Cagayan de Oro Polymedic General Hospital (CPGH), JR Borja General Hospital (JRBGH), City Disaster Risk Reduction and Management Department (CDRRMD), Sabal Hospital Inc., Saint Francis Doctors Hospital and Medical Center, Madonna and Child Medical Center, Maria Reyna-Xavier University Hospital, ug Northern Mindanao Medical Center (NMMC).

 

Atol sa maong programa, nanumpa usab ang mga partisipante sa oath of sportsmanship aron mapreserbar ang integridad, patas nga dula, ug respeto sa maong kompetisyon, ug masiguro nga ang tumong niini magpabilin sa panaghigalaay ug panaghiusa, dili lamang sa pagdaog.

 

Gilauman nga pinaagi niini nga sportsfest mapalig-on pa ang panaghiusa ug kooperasyon sa tanang healthcare institusyon sa dakbayan alang sa paghatag sa mas paspas, mas episyente ug maayong pagserbisyong medikal sa katawhan.(DYM/CIO/Photos by Jhoanne Abejo and Video by Roel Felicitas/CIO)