MOBIYAHE na karong Abril 30 padulong Tashkent, Uzbekistan ang upat ka mga Kagayanong boksidor aron pagsalmot sa umaabot U15 Asian Boxing Championship karong May 1-16, 2026.

Ang upat ka boksidor mao sila si Noel Panilag Cagubcob Jr. (men's 37 kg), Bob Marco Dadang (men's 40 kg), Richard Payla (men's 43 kg), ug Jobert Abragan (men's 48 kg), matud ni Cagayan de Oro City Amateur Boxing Team head coach Elmer Pamisa.

Sila maoy morepresentar sa Team Philippines human mipailawom sa masubsob nga pagbansay sa RP national boxing training gym didto sa Baguio City, dugang pa ni Pamisa.

Malaumon si coach Pamisa nga magmabungahon ang ilang pagsalmot sa maong international boxing competition, ilabina nga hingpit ang suporta ni Mayor Klarex Uy pinaagi ni city sports coordinator Allby Chris 'Beng' Waga ug sa mga miyembro sa 21st City Council. (CIO/photo by coach Pamisa)