NAGPAHIMANGNO ang City Hospital-Tablon sa publiko nga magmatngon sa ilang panglawas pinaagi sa regular self-check ug sayong pagpa-screening batok sa head and neck cancer.

 

Isip kabahin sa pagsaulog sa ‘Head and Neck Cancer Awareness Week’, gipahinumduman ang katawhan nga bantayan ang mga posibleng sintomas sama sa bukol o hubag sa liog, kalisod sa pagtulon o pagsulti, samad sa baba nga dili dayon maayo, ug kanunay nga pagsakit sa ulo, dunggan, liog, o apapangig.

 

Ang pagpakisayod sa maong mga timailhan importante aron malikayan ang grabeng komplikasyon. Ang sayong pagpacheck-up ug pagkonsulta sa doktor makatabang pagluwas sa kinabuhi, maong giawhag ang tanan nga moduol ug magpakonsulta sa pinakaduol nga ospital. (DYM/CIO)