LAING hugna sa declogging operation ang gipahigayon sa Hapsay Sapa Team diha sa may Old Bitan-ag Creek, barangay Puntod ning siyudad adlaw’ng Miyerkules, Abril 29.

 

Ang kalihukan gipangulohan ni Hapsay Sapa Team coordinator Patrick Gabutina, uban sa tabang sa konseho sa barangay Puntod ug mga molupyo sa lugar kinsa mitabang sa pagpanglimpyo sa maong creek human sa nahitabong sunog bag-ohay lang dapit sa St. John, District 2, Puntod.

 

Ang lakang alayon usab sa ‘Oplan Kontra Baha’ sa DPWH, diin lakip sila mitabang sa clearing operation gamit ang mga dump trucks ug backhoe sa CLENRO ug City Engineer's Office, ingon man ang suporta sa Lim Ket Kai Sons nga midonar og tubil para sa mga heavy equipment. (LRM/CIO Photos by Iren Fuentes/CIO)