LIBRENG ‘Operation Tuli’ sa City Hospital-Tablon opisyal nang ablihan ang online registration karong Huwebes, Abril 30 ning tuig.

Para makasiguro og slot sa maong libreng serbisyo, giawhag ang publiko nga magparehistro daan, kinahanglan usab i-click ang link o i-scan ang QR code nga makita sa poster, magfill-up sa gikinahanglan nga impormasyon ug sigurohon nga sakto ug kompleto ang datos sa dili pa isumite ang form.

Pagkahuman og register, makadawat ang aplikante sa ilang iskedyul.

Gipahinumduman ang tanan nga hingpit sundon ang gihatag nga schedule tungod kay wala’y dawaton nga walk-in. Limitado lamang ang slots, busa gidasig ang publiko nga magparehistro og sayo.

Kung puno na ang schedule o dili mahuman ang registration, mahimo ra nga mosulay pag-usab sa mosunod nga adlaw. (DYM/CIO)