Nagtapok ang 300 ka miyembro sa Oro Women's Association atol sa ilang Annual General Assembly, adlaw'ng Miyerkules, Abril 29, diha sa City Hall quadrangle, ning siyudad.

 

Atol sa maong assembly, mipailawum sa orientation ang mga partisipante kalabot sa Safe Spaces Act kon Bawal Bastos Law, Urban Container Household Gardening ug implementasyon sa Oro Women's Association, samtang, nagpahigayon usab og election sa Oro Women City-Wide officers alang sa tuig 2026.

 

Misalmot sa kalihokan sila si City Social Welfare and Development (CSWD) Department Head Anecia Tongson, CSWD Oro Women's Association Focal Person Mary Apple Dawn Tabafa, City Gender and Development Focal Person Sol Paeste-Mosqueda, Committee on Women and Family Relations Vice Chairperson City Councilor Gigi Go ug Committee on Social Services Chairperson City Councilor Maximo "Jonjon" Rodriguez III.

 

Ang Oro Women's Association usa ka grupo nga gitukod sa CSWD aron mahatagan sa kahigayonan ug oportunidad nga molambo sa ilang kinabuhi ang mga kababayen-an nga anaa sa marginalized sector. (NLB/photos by Jomar Figuracion/CIO)