SUBLING nakab-ot sa JR Borja General Hospital (JRBGH) Laboratory Department ang “Outright Compliance” human sa gipahigayon nga inspeksyon sa Department of Health – Regulation, Licensing, and Enforcement Division (RLEB) niadtong Abril 29.

 

Nasayran nga kini na ang ika-upat nga sunod-sunod nga tuig gikan (2023–2026) nga napadayon sa maong departamento ang pagpakita sa taas nga kalidad sa ilang serbisyo sa laboratoryo.

 

Ang maong kalampusan sa ospital nagpamatuod lamang sa dedikasyon ug paningkamot sa mga personahi sa JRBGH Laboratory Department ubos sa administrasyon ni Mayor Kalrex Uy, sa paghatag og husto, kasaligan, ug tukmang resulta alang sa mga pasyente. (DYM/CIO)