ARON mapahinumdoman sa hustong pagpadagan ug pagsunod sa mga balaod-trapiko, mipailawom sa tinuig nga pre-requisite seminar ang mga operators ug drivers sa motorela alang sa pag-renew sa motorela franchise subay sa gipatuman nga ordinansa sa syudad.

 

Ang kalihokan gipahigayon sa Traffic Education and Public Information Division sa Roads and Traffic Administration (RTA) sa tinguha nga mapatuman ang kaluwasan sa mga motorista.

 

Gipasabot ni Engr. Nonito Oclarit, dep’t manager sa RTA nga dili lang seminar ang gihimo lakip usab ang pagsusi sa mga accessories ug kondisyon sa matag motorela unit aron masiguro nga luwas ang kahimtang sa operasyon sa tanang unit ug mga drivers. (ALR/CIO/Photos from RTA)