NAGTIGOM ang mga youth leaders gikan sa nagkadaiyang barangay ug organization alang sa tinuig nga Oro Youth Leaders’ Convergence, Mayo 1, nga gipahigayon sa City Tourism Hall, ning siyudad.

 

Atol sa maong panagtapok, gihisgutan ni Oro Youth Development Office Officer-in-Charge Lord Saver “Vhaugne” Centina ang kalabot sa Youth Representation and Local Governance.

 

Anaa usab mga youth leaders nga nagahin sa ilang mga inspiring stories.

 

Samtang, usa ka Gallery Walk ang gipahigayun nga nag-exhibit og mga organizations nga potential mahimong partner sa mga youth organizations. Gipa-ilaila usab ang bag-ong miyembro sa Oro Youth Development Council.

 

Lakip sa mga sector nga misalmot ang Out-of-School Youth sector, Faith-based youth sector, Special Advocacy and Cultural Identity-based Youth Sectors, In-School youth sector ug Community-based youth sector.

 

Ang Oro Youth Leaders Convergence inisyatiba sa Oro Youth Development Office, Sangguniang Kabataan Federation of Cagayan de Oro City, Oro Youth Development Council kansang tumong ang makahimo og camarederie ug network tali sa mga youth leaders. (NLB/photos by Nica Borja and Tyrone Balhon/CIO)