TUMONG sa syudad ubos sa administrasyon ni Mayor Rolando `Klarex’ Uy nga mahimong rabies-free ang Cagayan de Oro hinungdan nga gipahugtan niini ang pagpahigayon og massive rabies vaccination drive sa kabarangayan pinaagi sa Oplan: Bakuna Kontra Rabies sa Barangay (A Hight Density Anti-Rabies Vaccination).

 

Kini nga kalihokan gipahigayon diha sa Barangay Tablon bag-ohay lang diin mokabat 1,351 ka mga binuhing iro ug iring ang nabakunahan sa mga personahi sa City Veterinary Office uban sa deputized rabies vaccinators sa maong barangay.

 

Mga dagkong barangay ang mas gitutokan sa City Vet aron masiguro nga mapabakunahan sa mga pet owners ang ilang mga binuhing iro ug iring.

 

Alayon niini, gipasalamatan sa City Vet pinangulohan sa dep’t manager City Veterinarian Dr. Helen Ann Tacandong ang barangay council sa Tablon sa pagpangulo ni Punong Barangay Romeo R. Bacarro, ug mga staff sa lig-on nga suporta ug kooperasyon aron magmalampuson ang maong kalihokan. (ALR/CIO/Photos from City Vet)