ARON mapalig-on ang pagpatuman sa 2024 Draft Local Energy Plan pinaagi sa Integrated Resource Planning (IRP) sa syudad, misalmot ang Cagayan de Oro sa gipahigayong Renewable Energy Roadmap Workshop adlaw’ng Martes nga gipahigayon dinhi sa dakbayan.

 

Lakip niini ang pag-assess sa kasamtangang energy system sa siyudad sama sa demand, supply, imprastraktura, ug mga hagit sa enerhiya.

 

Gitinguha usab niini ang pag-ila ug pagpili sa angay nga energy options ug mga priority interventions basi sa feasibility, gasto, ug epekto.

 

Samtang maghimo usab og klarong roadmap alang sa implementasyon nga adunay financing, papel sa mga institusyon, ug monitoring mechanisms.

 

Gipahigayon ang workshop pinaagi sa combination sa lecture, policy briefings, case sharing, peer learning, group exercises, ug hands-on technical support atol sa mga session.

 

Tigomon usab niini ang Technical Working Group (TWG) alang sa Renewable Energy Plan ug Roadmap sa Cagayan de Oro LGU, nga maoy manguna sa energy transition sa syudad.

 

Kini uban ang tumong nga ma-localize ang energy transition ug mapalig-on ang partisipasyon sa lokal nga kagamhanan sa paghimo sa maong roadmap. (MDS/CIO/Photos by: Reynan Baylin/CIO)