ARON masiguro nga walay mga gasoline stations nga magpahimulos sa higayon partikular na sa pagsaka sa presyo sa petrolyo, nagpadayon ang syudad ubos sa administrasyon ni Mayor Rolando `Klarex’ Uy pinaagi sa City Price Coordinating Council (CPCC) pagmonitor sa maong mga establisimento.

 

Karong adlawa Mayo 5, 2026, 10 ka gasoline stations ug upat ka LPG retailer ug dealer ang gibisitahan sa mga personahi sa CPCC pinangulohan ni co-chairman Atty. Jose Edgardo Uy ug gitan-aw kung misunod ba kini sa kasamtangang presyo sa petrolyo ug LPG.

 

Lakip sa gisusi sa CPCC ang business permit ug certificate of compliance sa mga gasoline stations, ingon man ang licensed to operate sa mga LPG retailer/dealer.

 

Hinuon, mapasalamaton si Atty. Uy nga pulos compliant ang mga establisimento nga ilang gisusi ug naglaum nga magpabilin nga mosunod sa mga regulasyon ug kamanduan sa Department of Energy (DOE). (ALR/Photos by Reynan Baylin/CIO)