MALAMPUSONG natangtang sa Task Force Klarex nga Kable ang usa ka delikadong poste nga adunay structural damage sa telecommunication (TELOF), nga nahimutang sa Mastersons Avenue, Uptown ning syudad.

 

Ang pagtangtang sa poste gihangyo sa Department of Information and Communications Technology (DICT) human nila namatikdan nga adunay active fiber optic cables nga nakakabit sa poste.

 

Aron malikayan ang aksidenteng pagkaguba sa mga linya ug masiguro ang kaluwasan sa publiko, malampuson nga gipahigayon sa Task Force ang pagtangtang sa maong poste.

 

Sa mga gustong mangayo og assistance alang sa daliang clearing o relocation sa mga kable ug poste, mamahimo lamang magpadala og request letter ngadto sa Klarex nga Kable team. (DYM/CIO/Photo courtesy to Klarex nga Kable)