SA tinguha nga mas mapalambo, mapadayon ug mamentinar ang paningkamot sa City College of Cagayan de Oro (CCCDO) sa paghatag og kalidad nga edukasyon malampusong mipailawom kini sa compliance audit sa Commission on Higher Education – Regional Quality Assurance Team (CHED-RQUAT) adlaw’ng Miyerkules, Mayo 6 alang sa mga kursong BS Entrepreneurship, BS Office Administration ug BS Social Work.

 

Atol sa maong pagbisita gipaambit usab sa CHED-RQUAT ang ilang kahanas ug mga kahibalo sa pagsusi sa mga kurso sa CCCDO nga nahisubay sa academic programs ug pagsiguro nga padayon kining nagbaton sa quality standards ug naghatag og ‘responsive, learner-centered education.’

 

Ang audit naglangkob sa presentation ug validation sa documents, program compliance review, inspection sa facilities ug learning resources, ingon man verification sa support services ug operations.

 

Lakip sa mibisita sa CCCDO sila Dr. Daryl Glenn B. Pamplona, Dr. Lilia A. Cotejar, Mr. Jamil Macadaag, Mr. Marlo Novino, ug Dr. Dionalyn Gumacial sa CHED-RQUAT nga giabi-abi usab sa city college administrators ug faculty members gikan sa College of Business and Management ug College of Arts and Sciences. (ACM-CIO/CCCDO photos)