MIDUYOG ang kagamhanang lokal sa Cagayan de Oro ubos sa administrasyon ni Mayor Rolando 'Klarex' Uy, pinaagi sa City Information Office pinangulohan ni City Information Officer Jade Adeser, sa mga kalihokan agig pagtamod sa 44th Press Freedom Week celebration nga molungtad Mayo 25-30, sa pagpangulo sa Cagayan de Oro Press Club, Inc. , ug mga aktibong myembro sa prensa gikan sa nagkadaiyang media organization sa dakbayan.

 

Ang Press Freedom Week saulogon matag ulahing semana sa bulan sa Mayo dinhi sa Cagayan de Oro pinasubay sa Executive Order nga gilagdaan ni kanhi Mayor Aquilino 'Nene' Pimentel Jr. niadtong tuig 1982.

 

Pormal nga gibuksan ang mga kalihukan karong adlawa, Mayo 25 diha sa Press Freedom monument, capitol grounds, pinaagi sa Santos nga Misa, paghandom sa mga kinabuhi sa mitaliwan nga sakop sa media, motorcade, friendly sportsfest, series of seminars kalabot sa gawasnong prensa ug uban pa.

 

Bitbit ang tema:"Freedom of the Press: The Wellspring of Democracy" , laraw sa maong kalihokan nga mas mapahugtan ang panaghiusa tali sa prensa sa pag-asdang sa gawasnong pagpamantala. (AGP/Photos by Roel Felicitas/Jomar Figuracion/CIO)