MAINITON nga gidawat sa 2,015 ka mga molupyo sa Barangay Bulua ang People’s Day program ni Mayor Klarex Uy, adlaw’ng Lunes, Mayo 25, nga gipahigayon sa Bulua Central School, ning siyudad.

 

Gani man, malipayon si Punong Barangay Al Legaspi Jr. human gidala sa Barangay Bulua ang maong programa ni Mayor Klarex Uy.

 

Lakip sa mga serbisyo nga gitanyag sa People’s Day ang pagpanghatag og cash assistance, libreng wheelchair, arroz caldo, pag-cater sa nangihanglan og job applications, inquiries kalabot sa birth registration, renewal of business permit, scholarship ug uban pa.

 

Anaa usab lollipop sa mga bata ug 5-kilo nga bugas nga personal nga donasyon gikan sa pamilya ni Mayor Klarex Uy.

 

Nasayrang ang People’s Day sa barangay level ipahigayon matag ikaduhang Lunes hangtud ikaupat nga Lunes sa bulan human sa flag-raising ceremony sa barangay.

 

Kini agi’g personal nga pagpaminaw ni Mayor Klarex Uy sa mga panginahanglanon sa mga Kagay-anon. (NLB/CIO/photos by Kim Zaldivar and Jhoanne Abejo/CIO)