MOABOT sa 170 ka mga kabatan-onan sa Cagayan de Oro ang mipailawom sa 10-day soft/core skills training sugod karong adlawa, Mayo 25 hangtod Hunyo 5, diha sa City Tourism Hall alayon sa programa'ng JobStart Wave 11 sa Department of Labor and Employment (DOLE) kauban ang Public Employment Service Office (PESO-CDO) sa pagpangulo ni PESO Manager Kathleen Kate D. Sorilla.

 

Laraw sa JobStart program pinasikad sa Republic Act 10869 nga ma-andam ang mga kabatan-onan sa pagpanarbaho pinaagi sa mga pagbansay, ingon man ang pag-abag kanila sa pagpangita og maayong oportunidad human molampos sa training.

 

Ang JobStart program alang lamang sa mga Pilipino 18 ngadto 24 anyos, wala nag-eskwela, wala nag-trabaho ug wala mipailawom sa unsa mang training atol sa pagregistro. (AGP/Photos by Iren Fuentes/Romel Edadis/PESO CDO)