MOKABAT sa 240 ka mga benepisyaryo ang naka-avail sa libreng hearing consultation, hearing test, ug uban pang serbisyo nga may kalabotan sa pandungog, adlaw'ng Huwebes, Mayo 28 ning tuig, sa Carmen Barangay Hall pinaagi sa Starkey Hearing Foundation inubanan sa lokal nga kagamhanan sa Cagayan de Oro ubos sa pagpangulo ni Mayor Rolando 'Klarex' Uy.

 

Nasayran nga nakahatag na og serbisyo ang Starkey Hearing Foundation sa dakbayan sa nilabay’ng mga katuigan.

 

Basi sa datus adunay 190 ka mga old patients alang sa aftercare sa ilang hearing aids nga gihatag kaniadto, ug 50 ka slots alang sa mga bag-ong pasyente.

 

Lakip sa mga serbisyong ilang gihatag mao ang nagkalain-laing klase sa hearing devices, hearing aid fitting, screening, ug mga tambal lakip na ang ointments depende sa panginahanglan sa pasyente.

 

Naghatag usab sila og counselling sa mga benepisyaryo aron masiguro nga husto ang pagamit ug pag-atiman sa ilang hearing aids.

 

Dugang pa, daghan sa mga benepisyaryo gikan sa syudad sa Cagayan de Oro, apan aduna usab mga pasyente nga gikan sa Bukidnon, Misamis Oriental, ug bisan pa sa Camiguin nga midayo aron makapahimulos sa libreng serbisyo. (MDS/CIO/Photos by: Johnel Neri/CIO)