MALAMPUSONG gipahigayon sa City Tourism & Cultural Affairs Office (CTCAO) ang 'monitoring and inspection' sa mga Tourism Enterprises sa Cagayan de Oro, Mayo 26, ning tuig.

 

Ang maong inspeksyon gipaluyohan sa Standards, Regulatory, and Trainings Division sa CTCAO sa pagpanguna ni SRT Division Head Atty. Spencer P. Palen, diin mokabat sa 11 ka primary ug secondary tourism enterprises ang nabisitahan nga gilangkoban sa mga hotels, inns ug uban pang accomodation establishments, travel and tour agencies, cafes, ug restaurants dinhi sa dakbayan.

 

Kini subay usab sa paningkamot sa buhatan pinaagi ni City Tourism and Cultural Affairs Officer Mr. Mark Kenneth Jalapadan nga masiguro nga 'compliant' ang maong mga patigayon subay sa mga documentary requirements, local ordinances, ug national safety standards nga gimando sa tanang tourism-related businesses. (AGP/Photos by CTCAO)